您好，歡迎來到HopeTrip旅行網！
|
最新HopeTrip旅遊網機票情報一覽>>按此 相信唔少Fans都好期待聽朝8點(8月26日8am)國泰fanfares $100坐商務/特選經濟客位震撼優惠 趁仲有一日時間，係度分享一些小貼士等大家作好搶飛準備！ 今次同樣都有11個航點總共有2,014張來回機票，每個航點估計會有150至250張平飛 商務客位： (宿霧$100 連稅$606)、(台北$100 連稅$685)、(吉隆坡$100 連稅$765)、(曼谷$100 連稅$778)、(名古屋$100 連稅$804)、(大阪$100 連稅$840) 特選經濟客位： (馬爾代夫$100 連稅$2,129)、(芝加哥$100 連稅$2,424)、(紐約紐瓦克$100 連稅$2,424)、(悉尼$100 連稅$2,736)、(倫敦$100 連稅$4,748) 至於出發日期，如果用往績推算既話估計為11月9日至11月22日，而指定日子優惠估計介乎8月28日至9日8日 由於每班機商務/特選經濟客位機位有限，如果單用以上出發日期，部份航點未必有足夠$100平飛供應，所以實際出發日期好大機會有所出入 每位乘客每次最多只可購買兩套fanfares機票 大家仲可以儲AsiaMiles，商務客位125%里數，特選經濟客位110%里數，飛美國一轉已有足夠里數換多程台灣機票 如果國泰server無down既話估計唔駛5分鐘就賣曬，手快有手慢無 係度提供一些搶票小貼士俾大家： 1. 預計明早搶飛時好大機會遇上waiting room，大家最好多管齊下，手機電腦iPad，Internet Explorer、Chrome、Firefox並用 2. 大家可以上fanfares網站試下訂票(當然唔好真係付款)去了解fanfares既訂票流程，記低過程中所要輸入既資料 (姓名、電郵、電話、信用卡號碼、保安編碼、持卡人姓名、有效期限、賬單郵寄地址)，另外美國需要輸入出生日期 3. 購票時可以選擇以 Asia Miles 會員號碼登入購買，咁樣可以慳返時間唔駛填一些個人資料 (好似姓名、電郵、電話) 4. 國泰港龍官網訂票係唔需要打passport no.的 5. 準備好有足夠limit既信用卡啦，如果你張卡有Visa驗證或MasterCard SecureCode，就凖備好驗證碼 6. 大家最好預先係日曆記低那段時間available，到時先諗就太遲了 7. 另外記住早啲起身開定電腦準備，因為一般7:50-7:55am左右已經開買 每一期fanfares優惠基本上都有地方係去程同回程為指定日子及指定航班既Last Minute優惠，而其他地方去程同回程都無限死一個日子，短途一般最長可以停留7日、而長途就14日 確實既出發日期就要到明早8點由國泰公佈，大家明早8am準時搶飛啦 撲飛網址： http://www.cathaypacific.com/cx/zh_HK/latest-offers/flights/fanfares/  fanfares優惠 |
市場價：HK$ 385
