國慶假期小洲村、長洲、黃埔古港一日自駕遊

收藏糾錯瀏覽次數：0 0人參數

分享到：

國慶第五日，因為之前睇到人哋噶遊記d相以為周邊遊會無乜人，所以嗌咗“專職司機”搭上媽子一行3人嚟次自駕遊，首先鎖定小洲村為首站，點知如意算盤打錯咗...人多到5會話因為路窄而逼到會跌落邋遢溝，但至少係為數不多噶小食午餐檔明顯感受到人多噶害處...痛苦呢~

先嚟報報自駕遊噶註意事項：聽從老媽子噶指示去咗小洲村隔離噶土華村睇睇先，所以我哋行噶係百度地圖顯示噶最快路程，兜新滘路去，途中會經過海珠湖同埋呢個預約會雷死大傢噶海珠濕地，過咗海珠濕地就要註意啦各位司機大佬，記得係華快底轉右，個路口真係好陰濕噶，一5留神就會好似我哋咁都多次海珠湖門口同海珠濕地門口噶啦（或者兜多好多次，視個人註意力而定）...轉入噶路叫華洲路，但無大安旨意按百度講噶見到咩咩超市轉入瀛洲路喔，更要小心行到某處噶3叉路嗰陣無見個路牌指住話行右邊去到喔（如果係去大學城就另計）！而係可以林下點解行嗰邊噶公交車都5聽路牌指呢？無錯，因為按路牌行會行到無路行！所以可以跟住公交行噶，特別有部45路總站就係停係小洲村禮堂（5知會5會對外開放）出嚟噶路口對面噶爛地噶，咁係上策，不過由於路窄公交5少又大部，來去噶貨車or自駕車都5少，所以嗰條路會間歇性不定時塞下車，所以未達到上上策噶標準^^ 其實按路牌5係去5到噶，不過要係過大學城嗰個方向but 5上橋，即見到橋底就左轉，跟住一直開過一個咩櫻莊園（？）同埋土華村噶牌坊到河邊就見左手邊有好多擺地攤，行入去就係噶啦，不過車就都係停路邊，呢個入口就癡住瀛洲生態公園，行過橋就係簡氏宗祠噶廣場...

廣州旅遊攻略圖片

係米好可愛呢，呢對好似係幕南簡公祠入面噶擺設~

發現呢度好多簡公祠、蠔殼屋、明代古井不同分佈，又有星羅棋佈噶小擺設店or咖啡店or兩者噶合體...午餐我哋係幫襯咗龍船飯，佢噶上菜邏輯有d不可思議，無論客人點幾多嘢，佢都要等埋一個盤一齊先會上，好難得等到位，坐低買籌就等咗大半個鐘先有得吃，可憐噶胃~所以大傢最好買咗籌先等位吧...龍船飯噶飯質5錯，想試試南瓜餅but沽清...

叫做全部兜咗一圈去攞翻部路邊停車，有d失望而歸，一係想象中噶人少清凈做5到，二係古村落噶氛圍都俾新鋪頭搞到5中5西咁，而且條小溝去到邊都臭...

之後就係兜上橋過大學城再駁過長洲，發現5知自己去邊先啱，跌跌撞撞去到辛亥革命噶紀念館，除內容同市區噶博物館無乜兩樣，除咗有d愛國主義噶教育，更多覺得自己曬時間...黃埔軍校又去過兩次，所以5係考慮范圍...離開噶路上，有好多阿婆師奶擺地攤賣蔬果，捧咗兩大隻靚木瓜同兩隻楊桃（即食發現5係想象中甜），都叫咗5係空手而回...

再去黃埔古港就兜官洲侖頭嗰條隧道嚕，途中噶指示牌雖5係明標都叫咗搵得幾順利，雖然個入口又係幾窄下...兜到又係無路都未得閑睇下再點行就有人隊張定額發票10蚊（以我經驗一睇就知張發票係假噶）叫你交停車費，一副5交5話你知點行咁，而且之後有無位停就無有理咁，黑吖~

落咗車，行到電視節目介紹嗰個鏡頭嗰度，點知都係5開門...今日噶閉門羹都吃得幾飽...未到晚餐時間所以兜咗去碼頭呢邊間奶婆薑撞奶吃招牌甜品，真係無得頂~

廣州自助遊圖片