您好，歡迎來到HopeTrip旅行網！
|
presented by DREAM CRUISES
沖繩 除咗陽光與海灘，市內都有好多嘢玩。香港人去沖繩一定會去嘅 那霸 市，最適合一家大細或者幾個朋友去食下嘢買下嘢，而家仲多咗唔少嘢玩，以下 7 個必去 check point 俾大家參考嚇，準備好就出發！
 1. 大人細路都啱玩 手繪醬油燒米餅
首站先去國際通的 HAPiNAHA ，係一座以體驗為主嘅商場，有 6 層咁多，入面真係好多嘢玩，當然主要對象係小朋友，但係大人入到去，都會玩到唔捨得走！而手繪醬油燒米餅位於 HAPiNAHA 1 樓，先將巨型生米餅放上電爐烤至金黃色，之後就可以用醬油喺米餅上大筆一揮，再烤到咖啡色就完成！
全程有專人指導，成個過程 20 – 25 分鐘就有得食，大人小朋友都大呼過癮！收費：每人￥800/ HK$56 需時：約 20 – 25 分鐘
2. 自製 HI – CHEW 軟糖
HI – CHEW 軟糖食得多，嚟到那霸仲有得自己落手整，位置同樣喺HAPiNAHA 1 樓，另一個唔願走嘅地方！入工場前，職員先同你影相，會印落糖果盒面，之後入去開工嚕！
將軟糖搓成條狀，切成一粒粒，用糖果紙包好入盒，最後大嘴鳥會住推車仔俾大家收貨，糖果盒上有你張相，仲印埋製造者個名，夠曬獨一無二！收費：每人￥1,620 / HK $113 需時：約30-35分鐘
3. 勁買 Pokemon 精品
喺1樓仲有好多好嘢，好似 Pokemon 專門店，之前所有人都變曬精靈訓練員，嚟呢度掃下貨啱曬！店入面有好多 Pokemon 精品俾大家添置，連比卡超都著返件花花裇衫襯返沖繩，好有心思！一於買返本百科全書返再鑽研下！
4. 可愛 Smoothie 車
玩到攰，商場門口附近有架幾吸晴嘅美食車，有好多款 Smoothie 揀，幾好飲架，而且老闆娘都人 nice 又靚女，不妨幫襯下小店。
5. 零距離接觸貓頭鷹
國際通有間貓頭鷹樂園，大家可以近距離接觸貓頭鷹！樂園有十隻貓頭鷹，可以入場參觀、影相、或者放喺手上摸摸，身旁會有照顧專員在場指示大家的。而場內除咗貓頭鷹，仲可以睇到其他罕見的動物架！大人小朋友都實鐘意見下貓頭鷹。
收費：大人￥880/ HK$61 ；小童 ￥680/ HK$47，零距離接觸：大人￥1200/ HK$83 ；小童 ￥880/ HK$61
6. 必買的骰菠蘿仔
成條國際通咁長，一定有好多嘢買，必買有呢個的骰菠蘿仔，手掌咁大，細細粒，買多啲返去都唔驚上唔到飛機同船啦！Q 版菠蘿仔可以拎番去種架！最鐘意菠蘿，啱曬我！
7. 沖繩 限定版卡樂 B 手信
去旅行梗係買少少手信返去，估唔到沖繩呢間卡樂B 專門店有咁多款限定特產賣！記得試下即炸卡樂B 薯條，真係無咩機會試到啊！另外可以買埋鯨鯊版的薯條同埋石桓島海鹽朱古力味薯片，都係限定版嚟㗎！
去沖繩玩，唔一定坐飛機，最近仲可以揀搭郵輪，郵輪上嘅行程已經非常精彩，刺激玩意如巨型滑水梯、繩索陣等，室內就有豐富娛樂設施，餐廳、酒店、表演節目一應俱全，加埋無敵大海景 。一家大細登上遊輪，行程非常豐富！提前至少 30 天預訂 5 晚「沖繩之戀」夏季航程，即享 7 折優惠價，一於同小朋友去開心嚇！
|
市場價：HK$ 155
