孖妹大解放 盛女鍾舒漫:期待好男人出現 2015年7月24日
都怪吳浩康衰仔,連環背未婚妻鍾舒漫Sherman偷食,終令婚事告吹,甩拖後的Sherman日日黐住妹妹鍾舒祺Sukie,生活態度亦隨之變得開放,早前飛 馬來西亞度假實行大解放,無間斷在網上發放比堅尼靚相,跟過往保守思維有極大反差,「我衣茪@向豁達,唔算係大解放,其實那次分手好傷,慶幸妹妹一直在身邊支持我,現已復原九成,潛意識話畀自己知想拍拖、想結婚,會期待新戀情,外間不斷質疑又話分開又話原諒,我就唔明,分開就唔可以原諒嗎?」Sherman再三強調原諒吳浩康不代表會復合,那下一個男人需具備什麼條件?「最重要能溝通,我唔介意男友年紀身形樣貌,再拍拖的話,一定會跟那個人結婚。」 採訪:彭燕燕Makeup:ZoefanHair:Green Cheung@FIFTH Salon 沒有吳浩康的日子,Sherman樂於跟妹妹Sukie 四出去玩,早前約埋梁雨恩等大班教友到馬來西來浮潛更全程三點式大解放,還極罕有地把性感靚相post上網公諸同好,34C上圍、40吋長腿任睇唔嬲,新EP《True Instinct》造型亦突破過往框框,Bra Top熱褲上陣,火辣辣,對此Sherman笑說:「我衣茈揮磥@向豁達的,對我來說這是Art,發展空間可以好大,靚就得。」
唔會刻意識男人 事實上,有妹妹Sukie在身邊,Sherman總是笑不停,言行舉止亦漸趨大膽,孖公仔現身潮店party,Tube Dress打扮令人眼前一亮,「去party就係咁打扮,唔係刻意去結識新朋友,我唔會係那種希望快點拍拖找個男友然後覺得被愛的人,有妹妹在身邊,我個人輕鬆好多,她對我的影響好大,去年首《SS14》給我很多新衝擊,面對妹妹可毫無保留地釋放自己,音樂上亦比以前更主導,新EP就有好多input,連監製謝浩文都笑我做『鍾監製』,正如人生經歷多了,當我重聽舊作就會有好多新感覺,現計劃將某部份舊作重新演繹,再拍片,這是純私人project,唔會出碟。」 仍相信愛情 再講吳浩康,其實幾厭,但有說新作《沉默的對話》是Sherman的感情寫照,一個感情路上被人欺騙的故事,「好多人都唔明白究竟我腦塈e現什麼事,幸好找到彭秀慧幫我寫篇文表達出來,Johnny Yim又肯陪我癲,其實我仍相信愛情,跟阿Deep識好耐,一早已當他是家人,現在是朋友,我早就原諒他(偷食),感情問題不能話好輕易放低,我仲好關心這個人,雜誌寫他生日攬女,好替他傷心,好無辜,那是他拍檔的女友,會戥他不值,今次真係俾人屈。」今次被屈,那上次又點計?Sherman確實傻得可愛,那還會拍拖嗎?「潛意識話我知要拍拖、要結婚,若然再展開新戀情,那個人一定係結婚對象,可惜圍繞我身邊的全是工作夥伴。」
|