大公主唔見影 李霖恩萌爆仔????食雪糕 2015年7月30日
前保安局局長李少光兒子李霖恩,自從與大眼靚女兒Nana(李清宜Gianna)做兩輯真人騷節目《爸B也Upgrade》後人氣急升。他日前因醉駕被罰款四千元、停牌一年及須完成駕駛改進課程。不過仍無損心情,親力親為湊仔女。日前傍晚,李霖恩夫婦帶3歲萌爆乖仔李浩宜現身又一城,無家姐在身邊,小浩宜自然萬千寵愛在一身,父母更買雪糕????B仔,見小豆丁全程伸手????食雪糕,可愛豬豬超級萌!採訪 : 譚壹致、陳慧 暑假後將升小一的大女Nana,因要補習英數同普通話,仲要學溜冰、游水、跆拳道、騎馬、小提琴等興趣班,所以日前晚上無跟父母外出。 當晚大約7時許,食飽飯的李霖恩帶妻兒慣性食飯後甜品,去買雪糕食。當日小浩宜依舊戴帽、猿人tee配Thomas火車頭牛仔褲,Crocs膠拖鞋再加個麵包超人小背包,一身smart潮童打扮。三人排隊買雪糕時,3歲仔貪玩搞欄杆帶,將欄杆帶掛在頸邊,玩玩吓搞到帽仔飛落地,幾輪盡豬。等到食「頭啖糕」,小王子雀躍開心紮紮跳。其後小浩宜隨父母去銀行櫃員機,小朋友不時伸手拍父母????食雪糕,狀甚滑稽。佢仲因貪心大啖食雪糕,搞到嘴仔好污槽。等Daddy襟完錢後,一家三口就去取車走人。
|