周汶錡遺憾陀仔上圍無升級
2017年4月26日
周汶錡(Kathy)前晚谷胸現身伯爵Possession Lounge展覽,笑稱曾幻想陀仔時上圍會升3、4級,但遺憾地一級都沒升過。 Kathy指細仔Anver剛滿月,屬「惡湊」BB:「睇得出佢會恰哥哥,連聲綫都比哥哥惡,佢大得好快,開始似哥哥,不過最似都係老公。(令妳瞓唔到覺?)OK啦!有陪月幫手,有時都會聽到佢聲嘶力竭 喊聲,又好想人哋抱,有安全感,但我唔想抱太多,怕黐身,大仔(Jacques)21個月大,好活躍,對住佢好嘥精力,瘦身快係因為照顧佢,都幾累,喺屋企對住佢運動量都多咗,媽咪都有幫手湊,依家我一著衫佢就扭計,會叫我剝衫、剝鞋畀佢睇,又會咩絎H首飾搞搞震,因佢覺得似玩具,整唔見就大件事。」
|