甜拖未婚夫買護膚品 陳嘉寶等做最美新娘
2017年5月11日
現年27歲、形象超純的前「邦民女」陳嘉寶(Anjay),上月尾在社交網宣佈與拍拖四年的初戀男友兼富二代黃頌祈(Epaphras)將結婚。隨後Anjay出席活動時自爆11月25日在教堂行禮,另擇日子擺酒。初戀開花結果,超級幸福。日前晚上,好事近的Anjay甜拖35歲未婚夫行銅鑼灣放閃。見準人妻淡妝都好省鏡,她又拖又繞honey去時代廣場買護膚品,計計時間!仲有半年就要嫁人的Anjay係時候keep好皮膚,等做最美新娘子! 採訪 : 梁誌明 在樹仁大學修讀新聞傳理系、兼職做o靚模入行的陳嘉寶,曾任齊陰「邦民女」。13年,她首次拍大台劇《女人俱樂部》,飾演李若彤少女版而人氣急升,之後再拍《殭》,成功入屋。近日,她就投入拍台慶劇《誇世代》,坦言未開始籌備婚事,自嘲好Hea。 一齊護膚 日前晚上7時許,準新人現身時代廣場。頭戴cap帽的Anjay又拖又繞未婚夫在化妝品樓層行逛。唔知係咪好事近,二人心情極佳,風騷笑曬口。淡妝準新娘不時露出幸福笑容。Epaphras亦好有耐性陪未婚妻睇「女人潔v,仲會畀意見。見Anjay在一護膚品店內睇深層清潔面膜、防曬乳、保濕霜等產品,為自己靚樣裝備鵀P時,又拖埋未婚夫睇男士系列,齊齊keep好肌膚,等做新人。睇足二十分鐘,兩人揀滿一個購物籃,見女方與店員溝通幾句,似講低飯後來取貨。最後,兩人十指緊扣行過利舞臺搵食,拖少陣都唔得謘I
|