※Sammi除下手上戒指送給第一位幸運粉絲。
|
※女粉絲被抽中得到Sammi波鞋時開心到喊。
|
※Sammi承諾日後一定會預留演唱會靚位門票給歌迷會。
|
※Sammi前晚包場請粉絲睇4K版《Sammi Touch Mi 2 世界巡迴演唱會2016》。
|
|
包場請睇演唱會4K版 Sammi送貼身大禮搞喊粉絲
2017年6月2日
鄭秀文(Sammi)重組歌迷會「三米飯團」,前晚在 香港包場請「米飯」睇4K版《Sammi Touch Mi 2 世界巡迴演唱會2016》,逾300位「米飯」捧場,Sammi又即場送大禮,饡o「米飯」開心到喊,Sammi更宣布8月會在港開盛大生日會同「米飯」一齊慶祝。 Sammi重組歌迷會由 台灣到北京連環聚會,前晚回歸 香港,在又一城戲院包場請粉絲欣賞去年在紅館舉行《Sammi Touch Mi 2》演唱會4K版,是亞洲首個用4K技術攝製的大型演唱會,當晚Sammi笑言煲了靚湯請家傭睇火,自己就來戲院湊熱鬧,講完笑就即除低手上戒指送給第一位幸運粉絲,之後再送出手上另外兩隻戒指,再連環加送頸鏈、耳環、太陽眼鏡等貼身潮物,所有幸運得獎粉絲都即場戴上禮物合照。最後,壓軸送出一對Sammi代言波鞋並即場親筆簽名,她為讓更多人分享快樂,決定左右鞋各送給1位粉絲,其中被抽中的女粉絲開心到喊,嚇到Sammi都「O嘴」。
演唱會值得回味 Sammi離場前向粉絲承諾以後一定會留演唱會靚位門票給歌迷會。她受訪時坦言近年聽到太多歌迷買演唱會飛或出席公開活動時遇到不公平對待,為正視問題,決定重組歌迷會,沒料到反應熱烈,覺得大家好似重返少男少女年代,為愛一個人重新做一件事好開心。問到選擇包場請粉絲睇演唱會4K版,Sammi表示返到香港站想特別些,在戲院大銀幕同大家一齊重溫《Touch Mi 2》這個演唱會,她坦言:「這個演唱會帶畀我同歌迷好多回憶、好多感動,因為鍾意呢個演唱會,鍾意我,大家重新聚埋一齊回憶,今日呢個活動好有意思。」當晚大派貼身禮物,Sammi強調:「全部都係我平時常用 物品,今日送出 都係全新,未用過,歌迷收到好開心,因為又型又靚!」
|