中山大學校本部

五一假期天氣咁好 的確係唔應該浪費嘅

無無聊咁一大早去跑步 仲跑咗倆日 人都散曬

想出去周圍走下又冇人陪 都冇mood 去瞭.

2號晚約咗肥魚佢哋喺新港西食飯

既然遲要出去早又要出去瞭 就提早幾個鐘出門 去中大逛下

好啦.今次就由小純帶路去感受下百年學府咩環境啦~

有一定歷史嘅學校果然係唔同D嘎! 應該話有一定歷史嘅名校氣息果然與眾不同

一入門口清新空氣就撲面而來瞭

棵棵樹都好粗壯好茂盛 鬱鬱蔥蔥幾乎都唔會被曬到 估計唔上百年都年過半百瞭

所有建築嘅顏色都好統一好和諧 令我諗翻起同樣係百年名校嘅GY  風格色彩都好似

最最令我興奮嘅係呢度有好大好大好大片可以踩草地!!!

眼前就好似電視裡面歐洲周末family day一傢大細喺草地嬉戲野餐嘅情景

我都忍唔住坐咗陣hea下 如果唔係驚人地以為我傻嘅我簡直想碌繙幾個圈啊~

勁隱蔽嘅陳嘉庚紀念堂 雖然話紀念堂但係好有生活氣息囖 估計做咗老教師宿舍

中文堂旁邊嘅草叢花叢有個魯迅雕像 原來魯迅曾經喺中大做過中文系主任(嚟到中大唔影孫中山影魯迅...)

所謂大隱隱於市 不同於其他學校都有個圖書館廣場&金燦燦嘅"圖書館"三個大字 中大圖書館好低調嘎

好難搵 唔覺意突然就遇上佢瞭

圖書館門口過少少仲有一班退休老師齊齊傾計耍太極

學校點可以冇運動場嘎~不過我喺裡面又真係轉咗好耐都見唔到喔...

後來行下行下聽到"啪啪啪"嘅拍球聲 就一路追蹤過去瞭

人妖打排球 灌籃大猩猩 龍馬 羽壇神雕俠侶 全民健身

田徑場綠草如茵但係就冇人踢ball 跑步嘅人就好多好多

小松話初中之後就冇喺400M環形跑道跑過步瞭

睇嚟呢棟係中大頗核心嘅建築 不過唔記得咗叫咩名瞭... 

管理學院大樓 此管理學學院旗下嘅學系同廣大完全唔同

小松讀嘅社會學系...喺中大應該係屬於政治與公共事務管理學院嘎

the end.