遲到遊記。8月澳門。

 懶人就係拖吖拖先肯碼字。

＃雞湯米線。
榮暉咖啡美食。
十月初五街54號地下。（仲有分店，大傢自己查查）
附近街坊都好多幫襯呢間。雞湯米線必點。料多味濃。唔中意香菜嘅落單時記得走青。

＃碗仔翅。
添發小食店。
福隆新街4號地下。（隻此一傢，絕無分店）
有最低消費，就每人最少一碗普通雞絲碗仔翅咯。味道同材料就當然靠譜過平時五蚊十蚊嗰啲啦。但係個人又覺得呢啲慕名食過次，就無咩特別慾望要專門食多次。

＃雪糕，甜餐。
九記冰室。
議事亭前地羅結地巷9號b地下。
自制雪糕就最出名啦。用料實在又唔太甜。18蚊3個波。抵過廣州九條街。石榴味勁推。然後就係甜餐。個餐包括一杯飲品啦兩件三文治啦同一大碗牛奶麥皮。超級有以前細個時屋企禮拜日早餐嘅味道。牛奶麥皮唔太甜，而且軟滑。有甜餐就當然有咸餐啦。咸餐就係麥皮變面或者通粉咯。不過我都係鍾愛甜餐。食過翻尋味啊絕對。

以上就係中午飯份量。


好。繼續。

＃三文治雪糕。
禮記雪糕。
荷蘭園大馬路12－12a。（好似下午六點左右就關門，各位睇住時間）
超級復古懷舊三文治雪糕。超級想問有無得齋賣個乾淨盒。好多人唔知咩係三文治雪糕。其實就係好似威化餅咁，外面上下各有層軟軟威化，中間係雪糕，不過我細個時候食嘅就中間得一個味，而呢度就係一個有三個味。呢度仲有雪糕磚啊嗰啲懷舊嘢。話說我哋仲叫咗薄荷雪糕。哇。綠箭咁款。味道真係嚇親得嚟又幾過癮。

＃麻辣燙。
街邊走鬼檔。
澳門麻辣燙係白灼完淋咖喱。味道都唔差。不過我都係中意四川麻辣燙多啲。

＃豬扒包。
唔記得叫咩名瞭間店。
循例經過就買嚟食。不過始終都係無氹仔間大利來新鮮出爐好食。

＃樽仔奶茶。
金隆雲南米線。
板樟堂街20號。（仲有好多好多分店）
之前食過米線啊肉丸啊都覺得一般般。同香港譚仔過橋米線實在相差太遠。（題外話推介一下，譚仔過橋米線真係值得一食再食，來個5小辣，加份土匪雞翅，真係滿足到爆炸。）之不過，呢度有樣叫樽仔奶茶。又幾鬼正嘅。茶味夠，又幾滑。最緊要唔太甜。

＃鹽酥雞。
林記美食。
天神巷29號。
下午茶時間先開始有鹽酥雞賣。大傢唔好食檸檬瞭。呢度鹽酥雞，裡面係真係一舊雞塊，唔似得廣州呢度，成舊都係粉，而且最緊要係啲雞肉係滑嘅，仲一絲絲肉質分明，味道雖然偏咸咗啲啲，但行過旁邊地下遊戲機室上面，就有各種新鮮水果混炸汁賣，飲翻杯芒果奇異果菠蘿汁，真係醒神曬。

以上係下午茶份量。


因為晚黒睇低俗喜劇。於是就去咗戲院附近食晚飯。
隨便入間茶餐廳。

雅佳茶餐廳。
新橋渡船街54號地下。

牛肉粥。真係好多牛肉牛肉牛肉牛肉。然後個炸薯牛脷飯，居然意料之外咁好味。牛脷做得有嚼頭但又係軟滑嗰種喔，美中不足就係偏咸咯。

以上係晚飯份量。


低俗喜劇真係笑能死人。
未睇嘅快快過大海睇。噢。我喺永樂戲院睇嘎。好復古懷舊啊。因為同場仲有大戲做。好多公公婆婆睇啊。


睇完戲邊有咁快翻旅店呢哈哈哈。
當然係宵夜時間啦。

金玉滿堂。
南灣大馬路5號龍圖閣地下。
廣州間金玉滿堂同呢間比即刻可以折埋。呢度同樣二三十嘅價位，但係碟頭大到面盆咁。上菜時真係嘢嘢有勁，嚇親我呢個大鄉裡。我哋點咗，楊枝甘露。芒果雪山。雜果雪山。德國鹹豬手。炸豬扒撈丁。全部水果大大件無走雞，咸豬手排開成張a4紙咁多，份炸豬扒排開有差唔多兩隻手掌。聞說個炸腸粉都好好味，但係食唔曬就無叫瞭。呢間店旺到不得瞭。啲人排隊等位到成點鐘都要食。我覺得我下次會餓足幾餐先嚟戰鬥過，試埋其他菜同甜品。

好啦。終於捨得翻旅店沖涼休息。



飲早茶。
第一次喺澳門飲茶。我去咗間懷舊到得風扇嘅茶樓。

呢度點心款式唔多。都係經典嘢。但係。呢啲古董茶樓點會無一兩樣殺手鐧呢。喺呢度，我食咗我人生迄今為止，最好味最講究嘅，濕炒肉絲面。濕炒牛河就食得多。濕炒面原來先係最高境界。因為成個面係外脆內軟。原來係成個面擺係鍋，邊邊嘅面會變成好似即使面咁，而內裡有汁有其他料，就軟滑入味。話廣州飲早茶有歷史，但我真係未食過咁勁嘅濕炒面。


之後就入氹仔瞭。

＃牛尾湯。
喜蓮咖啡。
氹仔舊城區飛能便度街南龍花園地下B84號。
可能期望值太高。於是咖啡有點酸，牛尾湯就點味精味。

＃提拉米蘇，木糠蛋糕軟硬兩款，鮮芝士蛋糕。
bitter sweet。
唔記得地址。
又係有最低消費而且都唔低。雖然提拉米蘇係幾好，個鮮芝士蛋糕又係幾醇，但係，價位有啲高，服務有啲唔好。下次唔會翻轉頭。


呢日戰鬥力疲軟。無食到誠昌蟹粥。又無食莫義記個榴蓮雪糕。更加無食大利來個豬扒包。
不過呢次食到爆胃澳門之旅依然仲有一個好大遺憾就係，議事亭前地嗰間盛記白粥已經執咗。好啦。唯有等下次我去黑沙灘再食。


end