食在廣州：雨帽街雲吞面

□江暉

老街坊最愛嘅雲吞面，莫過於當年雨帽街面檔嘅出品。呢種傳統雲吞面，之前我隻認定連新路有得食，但有日，我竟然喺楊箕一間雲吞面鋪揾到同樣嘅感覺。一睇面鋪簡介，原來就系當年雨帽街面檔主理人之一主理嘅，怪唔知碗面冇堿水味之餘又夠彈牙，湯底雲吞都一樣夠味。

據聞面要做到彈牙，一定要用鴨蛋混面粉，仲要用竹升扤住嚟全手工打面先可以做出呢個效果。面湯都十分重要，就系用大量大地魚、蝦頭、蝦籽、蝦殼熬豬骨湯。我哋經常聞到面店傳出嘅香味,主要就系大地魚嘅功勞嘞。

聽老竇講，50年前去雨帽街食碗面好平嘅啫，齋面5分錢，雲吞面(大碗叫大蓉，細碗叫細蓉)都系兩毫子。阿爺六幾年嗰時成日都會帶一傢六口去幫襯；老竇阿媽拍拖都純潔到去食碗面；我十歲前後都有經常去，所以我哋一傢對雲吞面要求都好高。後來中山五路改造，雨帽街面檔冇咗後,我哋都唔輕易食雲吞面，直到幾年前我發現連新路間店有水準，又唔貴，五、六蚊都可以食到好飽，性價比高。嘩，而傢更加好，又發現多間,雖然呢間價錢貴啲，去到八、九蚊，但我都認為系物有所值。難怪大美食傢蔡瀾都講過，傳統雲吞面都仲系喺廣州嘞。