您好，歡迎來到HopeTrip旅行網！
|
機迷話香港玩到的VR虛擬實境遊戲不夠東京的好玩，不少愛尋刺激的玩家激讚位於涉谷的 VR PARK TOKYO，短短的80分鐘限時，幾乎玩到唔捨得走。早在香港玩慣VR遊戲的模特兒Zoie去到 VR PARK 試玩。
 「好刺激，有布景，好易投入，Bungee Jump仲要係全日本獨家的！」，牙擦擦，以為虛擬就唔驚，最後Zoie全程尖叫打曬冷震玩到喊，畏高、怕鬼者真係要有嚇破膽的心理準備！
周末假期排長龍 $200玩足80分鐘
VR PARK TOKYO算是完備的 東京VR Game專門機舖，只需要$200就可以任玩80分鐘，7種遊戲選擇包括「森林笨豬跳」、「所羅門魔法飛毯」、「特殊部隊射擊訓練」等。咪以為機舖是是但但。
每個遊戲都有個專屬布景版，不單有風聲、尖叫聲等特技效果，一路玩仲一路有風吹住，員工仲不時在高空中推推你、拍拍你加強驚嚇效果，逼真程度嚇到個心真係離一離。
必玩01. 森林笨豬跳Bungee Jump
2層樓高的懸空吊椅，坐在上面好似泰山咁飛越森林，不時會飛墜瀑布底，有時會遇上猩猩等不同動物飛埋來，吊吊揈失重下墜，強風吹拂感受突然的離心力，玩家未停過尖叫！
必玩02. 所羅門魔法飛毯 SALOMON’S CARPET
所羅門魔法飛毯可說是沙漠大冒險，玩家要赤腳在移動地毯上一邊保持平衡，一邊擊倒突襲的魔怪，大大把的風扇吹住，好似真係在空中飛馳，超有快感！
必玩03. 特殊部隊射擊訓練DIVE HARD VR
在建設中的高樓大廈天台，特殊部隊在高樓大廈打倒敵機，要步出懸空的離地工字鐵上進行槍戰，望落極似就要從百層高的大廈跌落地下，畏高者慎入！
必玩04. 瘋狂棒球場 Compete! HACHAMECHA STADIUM
不懂棒球規則，摣住棒球棍亂揮，中間有好多鬼影變幻球，又有觀眾助威，連運動白癡的我都打到全疊打呀！
必玩05. 合作！驅靈師 Cooperate! GHOST ATTACKERS
玩法似足捉鬼敢死隊，兩個玩家要在猛鬼屋入面一邊搵鬼，一邊摣槍擊殺，絕對考驗兩個人合作技巧，驚鬼的玩完要壓驚。玩家攻略 最好平日早上去玩。
|
市場價：HK$ 133
